قصيده عن السفر وفراق الاحباب...

[الفاسي2009]

قصيده عن السفر وفراق الاحباب...

قصيده عن السفر وفراق الاحباب





ليت السفر بين المحبين ممنـوع
تحجز جوازات المحبين بالذات

حتيش لوأن السفر حق مشـروع
المشكله لأهل الهوى حزن وآهات

لاغاب خلّك والرجاء فيه مقطـوع
لابه رسايل توصلـك وأتصـالات

الخط مغلق كنّه الكـرت منـزوع
من ضيقتك تلعن جميع أشتراكـات

تضرب على الكفّين والقلب مفجـوع
تضيق بك عقبه جميـع المساحـات

في ليل دامس ضايعٍ مابـه شمـوع
الفكر تايه فـي دروب المتاهـات

العين تذرف بالدقايق لـه أدمـوع
والقلب عايش بين حسره وونـات

ولوّك تجر الصوت ماهوب مسموع
ياطول ما بينـك وبينـه مسافـات

يمكن ظروفه مامشت له على طـوع
ويمكن سلا فكره بروحـه وجيّـات

سايح بدار المغرب والأجـر مدفـوع
يسرح ويمرح بيـن سجّـه ولـذات

الجو صافي بين خضـره وينبـوع
وأنت بسموم القيض مابه أجـازات

الهم مدهالك من أسبـوع لأسبـوع
لاحل ذكرى الترف هلّيـت عبـرات

صار السفر كنّه مثل حبّة الكوع
جمع الحبايب سابـع المستحيـلات

بس الأكيد أن الغلا فيك مـزروع
الحب يبقى بالضمايـر ولا مـات

الصدق قلته والزعـل دوم مرفـوع
وقت السفر تبدي كثيـر المعانـات

المصدر: المسافر السياحة و السفر

 

 

[البصمة]

صار السفر كنّه مثل حبّة الكوع
جمع الحبايب سابـع المستحيـلات




تحياتي لك يا اخوي الفاسي

قصيده اكثر من رائعة

صح لسانك

ولا عدمناك

 

 

[M7AD]

صح لسااااااااانك

 

 

[مجروح]

الجو صافي بين خضـره وينبـوع
وأنت بسموم القيض مابه أجـازات

الهم مدهالك من أسبـوع لأسبـوع
لاحل ذكرى الترف هلّيـت عبـرات


صح السانك اخوي الفاسي مبدع

 

 

[lieutenant]

صح لسان قايلها وتسلم يدين ناقلها

يعطيك 1000 عافية

 

 

[الفاسي2009]

اشكركم على المرور
فديتكم

 

 

[abd_elah]

كلك ذوق يا الفاسي2009.

شكلك تتذوق الشعر وإلا ما نقلت هذه الأبيات الجميلة.

تحياتي

 

 

[فهد.محمد]

صح لســــــــانك ...... او كما قال عنترة العبســــى . لاعدمناك ولا كان من يشـــناك يا أخا العرب

 

 

[ابوتركي3333]

الصدق قلته والزعـل دوم مرفـوع
وقت السفر تبدي كثيـر المعانـات


صح لسانك يالغالي بصراحه يالفاسي طرحت فابدعات



تحياتي لك

 

 

[درع البحرين]

صح لسانك يا الغالي


تحياتي